Atanukana mak tipatshimuna

Peikuan iapit nishuaush-tatunnu ashu neu tshe itatupipuneshian, miam meshta-auassiuiani etamatshiuan iu Enen.

Tipatshimu Mitushapeu ka utatshimikut ukauia eka menuinniunniti. Mishta-ushkuinipani ukauia peikuan kie mishta-atussenipani. Kassinu anitshenat ishkueuat mishta-atussepanat at shukᵘ eka menuinniutaui. Apu ne ishinakuak anutshish iu.

Mitushapeu uauitamᵘ tan eshi-akupituat pitshuatikua mak tanite e akupitumatshet. Uauitamᵘ tan eshi-utinat nenua pitshuatikua nete minashkuat ashit tshekuannu ma uet minuanit nenu innu-natukunnu.

Uitamuakanuat eka enniuniti umisha pishimussa, upau-pishimua nenu apu inniunikueni.

mak

Apatannu tshetshi uitamuakanit ishkuess tshetshi nakatuenimitishut pemipaniti (utakushun).

Uitamuakanuat eka enniuniti umisha pishimussa, upau-pishimua nenu apu inniunikueni.

mak

Apatannu tshetshi uitamuakanit ishkuess tshetshi nakatuenimitishut pemipaniti (utakushun).

Eshpish nanitam uiushit innu utush kueshpiti, ekue nitautshinnit anite tshekuannu utat ukueiat. Upakatakan nenu itakanu. Mishta-kushkushikuat anitshenat natukunishat uiatamuakaniht nenu.

Mitshena natukuna iapashtakaniti ua natukuitishunanuti. Ushakanua kie ma akupitamashunanua. Ne uet tshi nishtuapataman nanitam nuitsheuatiat tshishennuat netuapatakaui minashkuau-natukuna, eukuan uet tshi tshissenitaman etapashtakaniti natukuna, kassinu neni kie tshe aitutakaniti.

Shetshishiumatshiupan Mani katshi nipaut, apu ma nishtuapamat nenua unapema. Katshi peikupipuna, ekue utauassimit minuat kutaka ekue taniti nenu kutakanu pipunnu. Mishta-pakuenitamushapan tshetshi nishiniti utauassima.

Kushkupanu natukunish e mishkamuat ashinissa anite nikauia utatshishinit katshi matishuat. Ekue uitamuakanit: pineua nenu e muat uet tshi takuanniti ashinissa uiat. Pishtaukukupan passikannu itenimeshapan. Tshissenitamupanat anitshenat natukunishat aitiniti tshiashi-innua.

Katshi nipiniti ukuma kie umushuma ekue kau tshiueut nete Nutashkuanit. Mitshetuau natshishkamᵘ tshekuannu eka menuanit, miam mate ka uniat utauassima. Nishtuapatamᵘ nenu mueshtatenitamunnu. Uikanisha uitshikushapan tshetshi kau tshi aitit.

Tipatshimeu, utshimashkueu Munik, ushima Robert ka akushiniti, nanitam tshipukatshenishapani. Peikuau ma etaht nutshimit, ekue unipanikueni utatshishia ne auass. Utauia nenu natukuienishapani ushima.

Uauineu utshimashkueu Mani e nishiniti ushtesha, mishta-tshishenniunishapani eka ka inniuniti. Peikᵘ ushtesha peikumitashumitannuepipunenishipani eka inniuniti nete nutshimit ekᵘ nenu kutaka, anite Mani-utenam apu inniunikueni.

Nuitshikuti tshetshi punitaian ne ianiminikuian nipi, apu tshi tutaman e peikussian. Aiamieun an nutshikuti tshetshi punitaian ne tshekuan.

Mitshet innu-natukuna tutaminishapani Munik utauia. Eukuannu nenua utauia ka natukuiakaniti ukussa, mishta-akushinishapani. Apu ut tshi natukuikut natukunisha ne auass. Utauia ekue kushpitaianikueni nenua utauassima tshetshi natukuiakaniti.

Katshi matapenannit eukuannu enniut Shimun. Nenua Pinamena uiapamikut kie eukuannua uianikut tshe ishinikashut. Ueshkat ishkueu pimutepan nuash tshe ishpish minuinniut.

Kueshpiht anite peikuau katshi nipauht. Nete nutshimit eshpish taht, ekue ushikushiniti umushuma, Shinapesht Muanana, natuakateshinua. Natukuienua unapema mak nenua ukuma. Nashipepitshuat tshetshi itaunaht nete natukunitshuapit. Mishta-minu-aitutamueshapan nenu ka natuakateshiniti ekue tshi kau minu-pimuteniti. Eshpish ma pikutakupanat ueshkat innuat e aititaui.