1 - 3 of 3

< <> >

Nishiuenitan

Mani-anish
Video

Nishiuenitan nete peikuau. Nukum Nenikutesh ishinikatakanipan nuitshimatan. Nishiuenitan, nishiuenan apu tshekuan takuak tshe mitshinanut. Mitshetipanat auassat anite etaht anutshish shash nananat apu taht. Tshek ma anite ekue nipaiakaniht atikuat, peikumitashumitannu atikuat. Metat ekue mishta-ishpannanut mitshim, nishuasht nitatukamitshishunan. Ekue nashipepuniat. Nimishta-minuateti etaiani nutshimit, kassinu ne ka aitiat ueshkat.

Ka tipatshimut Mani-anish innu-assi Nutashkuanit
Auen ua natutamuniakanit Kassinu auen Aimun iapashtakanit Mamit
Pipun ka ashupaniakanit 2015 Pipun ka ueuetashtakanit 2017
Ka uauitak tipatshimunnu Yvette Mollen
Tshekuan uiauitakanit
Tshekuan ua tshishkutamatshenanut eshinakuak tipatshimun

Tshe uitamuakaniht auassat

Mani-anish
Video

Takuannu tshekuannu iapatannit tshetshi uitamuakaniht auassat, tshekuan e aishpaniti : shiuenanuti kie ma iakushiti auen. Tshikatueuakanu mishtikᵘ ekue tshimanakanit anite ianimunanuti, tshetshi tshissenimakaniht e aitiht.

Ka tipatshimut Mani-anish innu-assi Nutashkuanit
Auen ua natutamuniakanit Kassinu auen Aimun iapashtakanit Mamit
Pipun ka ashupaniakanit 2015 Pipun ka ueuetashtakanit 2017
Ka uauitak tipatshimunnu Yvette Mollen

Uauinitishu

Napaien Muanan
Video

Napaien Muanan, nitishinikatakaun, nishuaush nitatunnuepipuneshin. Ninipauti mak patetat itashipanat nitauassimat kie tauat nussimat. Apu tshissenitaman tanite nipa utshipan: Muanan. Nutaui mak nukumesh Atuaniss mukᵘ nitshissenimauat, nete takupanat Pakut-shipit kie Unaman-shipit, ekute uetuteht. Tanite ututetshe nana nimushum Jos Mullen, nasht apu tshissenimak, nete Tshishe-shatshit kie ma Mishta-minishtikut put. Akaneshau uesh na nimushum. Nutaui Shinipesht ishinikatakanipan. Ekᵘ nana nikaui, Manakanet ekuanitshiushkueu nana uin. Nete Manitu-nipit nitinniuti, apu nashkuat katakᵘ anite Ekuanitshit. Peikunnueshipanat ashu peikᵘ nishteshat kie nishimat.

Ka tipatshimut Napaien Muanan innu-assi Ekuanitshit
Auen ua natutamuniakanit Kassinu auen Aimun iapashtakanit Mamit
Pipun ka ashupaniakanit 2016 Pipun ka ueuetashtakanit 2016
Ka uauitak tipatshimunnu Yvette Mollen
Tshekuan uiauitakanit
Tshekuan ua tshishkutamatshenanut eshinakuak tipatshimun

1 - 3 of 3

< <> >
Kassinu e tshitapatakanit
Papeikᵘ tshekuan e tshitapatakanit